Velkommen til lansering av diktboka Barnet, elden, vatnet av vår lokale forfattar Knut Ivar Bjørlykhaug. Torsdag 29.oktober klokka 18 i bibliotekhjørnet.
Om boka: Dette er ei leiken diktbok, der mange stemmer talar til forfattaren. Dikta er tett på grunnvilkåra i naturen, på død og nytt liv. Boka er prega av eit alvor knytt til den ekstreme tida vi lev i, men ho er òg orientert mot livsviljen - og håpet - som finst i naturen, den djupare tida og våre utvida relasjonar.
Knut Ivar Bjørlykhaug (f. 1987) er frå Sunnmøre og bur på Nesoddtangen. Han er sosialarbeidar, lærar og forskar. Barnet, elden, vatnet er den første skjønnlitterære utgivinga hans.
